Ауғанстанның батысында тәліптер Deutsche Welle (DW) телерадиокомпаниясы тілшісінің жақын туысын өлтіріп тастады. Тағы бір туысы жараланды, деп хабарлайды zakon.kz lenta.ru сайтына сілтеме жасап.
Бұл туралы DW өз сайтында хабарлады.
Газеттің хабарлауынша, тәліптер сол кезде Германияда жүрген журналистке іздеу салған. Лаңкестер оның екі туысын тауып алған, оның бірі ауыр жараланды.
Журналистің қалған туыстары соңғы сәтте қашып үлгерген және қазіргі уақытта содырлардан жасырынып жүр. Компанияның бас директоры Петер Лимбург бұл оқиғаны айыптап, Германия үкіметін "шешуші шара қолдануға" шақырды.
Біздің қызметкерлердің бірінің туысының Талибан тарапынан өлтірілуі қазіргі уақытта журналистер мен олардың отбасы үшін Ауғанстанда болу қаншалықты қауіпті екенін көрсетеді, - деді Лимбург.
Келіп түскен хатта елден кеткісі келетін қызметкерлер "қудалауға, қамауға алуға, азаптауға ұшырайтыны, ақыры өлтірілетіні" айтылған. Хатқа қол қойғандар арасында Die Zeit, Der Spiegel, "Шекарасыз репортерлер", Süddeutsche Zeitung, Frankfurter Allgemeine Zeitung және басқа басылымдар да бар.
Бұған дейін Ауғанстандағы журналистерді қорғау комитеті жергілікті БАҚ қызметкерлерінің өміріне қауіп төніп тұрғанын айтқан.