Нұр-Сұлтанда қызметтік ізкесуші ит жоғалған екі жасар баланы тапты, деп хабарлайды zakon.kz.
Балалар аттракционында иті бар полиция қызметкеріне бір келіншек жүгіріп келіп, өзінің кішкентай ұлын жоғалтып алғанын айтты. 20 минут бойы келіншек баланы өз бетімен табуға тырысқан, бірақ одан нәтиже болмады.
Келіншектің қолында баланың ойыншығы болды, оны иіскеген Феликс баланың ізіне түсті. 10 минут ішінде ит баланы 300 метр қашықтықтан тапты, - деп хабарлады қалалық ПД.
