Трансұлттық топ бес жыл бойы Қазақстандағы қыздарды Бахрейнде жыныстық құлдыққа салу үшін алдап-арбап тартып келген. Қылмыстық іс сотта қарала бастады, деп хабарлайды zakon.kz тілшісі.
Зардап шеккендердің жалпы саны 39 адамды құрады.
Биыл біз Қазақстан, Ресей және Бахрейн азаматтары болып табылатын 19 адамнан тұратын трансұлттық ұйымдасқан топқа қатысты тергеуді аяқтадық, олар соңғы бес жылда Бахрейнде жыныстық құлдыққа салу үшін адам саудасымен, оның ішінде кәмелетке толмағандарды сатумен айналысқан. Қазіргі уақытта қылмыстық іс сотта қаралуда, - деді ОКҚ-да өткен брифингіде ҚР ІІМ Тергеу басқармасының бастығы Санжар Әділов.
Бұған дейін Ішкі істер министрлігі Бахрейнде 39 қазақстандық әйел жыныстық құлдықтың құрбаны болғанын хабарлаған болатын. Бұл - көбіне Шымкент қаласы мен Түркістан облысының тұрғындары.
Биыл Қазақстанда адам саудасына байланысты қылмыстар бойынша 200 қылмыстың беті ашылды.