Қостанай облысында қарттар үйі өртенді

Қостанай облысы ТЖД
Оқиға орнында ТЖД сынақ зертханасының мамандары жұмыс істеуде.

6 қазанда таңғы сағат 07:38-де "112" байланыс пунктіне Қарабалық ауданы Қарабалық кенті аумағында Мира көшесінде орналасқан монша жанып жатқаны туралы хабарлама келіп түсті. Бірнеше минуттан кейін шақыру орнына № 11 өрт сөндіру бөлімінің күштері мен құралдары келді, деп хабарлайды zakon.kz Қостанай облыстық ТЖД баспасөз қызметіне сілтеме жасап.

Барлау барысында "Қарабалық қарттар мен мүгедектер интернат үйі" ММ ғимаратына жапсарлас салынған моншаның шатыры жанып жатқаны анықталды.

Қатты жел соғып, өрт интернат үйінің негізгі ғимаратының төбесіне жайылды. Өрт болған жерге 9 техника мен жеке құрамнан 28 адам жұмылдырылды. Өрт сөндірушілердің үйлесімді әрекеттерінің арқасында жалын сағат 14:05-те жойылды.

Өрт сөндірушілер жедел іске қосылып, қайғылы жағдайға жол бермей, интернат ғимаратынан 51 адамды эвакуациялады. Өрт сөндірушілердің іс-әрекеттері бірінші кезекте адамдарды өрт аймағынан қауіпсіз жерге уақтылы эвакуациялауға бағытталды. Өйткені, интернатта қарт адамдар және физикалық мүмкіндіктері шектеулі адамдар болды.

Зардап шеккендер жоқ. Өрттің шығу себебі анықталуда. Өрт аумағы шамамен 1 000 шаршы метрді құрады.

Оқиға орнында ТЖД сынақ зертханасының мамандары жұмыс істеуде.

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Алматы облысында мемлекетке қайтарылған жерлерде құны 60,2 млрд теңге болатын бес жоба іске асырылмақ

"Тарихта алғаш рет" – Ресей Жоғарғы сотының төрағасы Тоқаевқа маңызды келісім туралы айтты

"Азаматтарға арналған үкімет" зейнетақы мен жәрдемақының уақтылы төленуі туралы есеп бермек

G20 саммитіне дайындық: Тоқаев АҚШ-пен келіссөздердегі өкілімен кездесті

Қарағандыда монша өртеніп, 12 адам эвакуацияланды