БҚО-да әріптесін ұрып өлтірген адам ұсталды, деп хабарлайды zakon.kz.
"Мой город" порталы хабарлағандай, қайғылы оқиға Ақсай қаласында орын алған. Бірге пәтер жалдап тұрып жатқан, бір жерде жұмыс істейтін екі ер адам өзара сөзге келіп, арты төбелеске ұласқан.
БҚО полиция департаменттіндегілер атап өткендей, 49 жастағы ер адам өзінің 47 жастағы әріптесін қатты жарақаттады. Жарақат алған жәбірленуші Бөрлі ауданының орталық ауруханасының жансақтау бөліміне жеткізіліп, сол арада есін жимастан қайтыс болды.
ҚР Қылмыстық кодексінің 106-бабының 3-бөлігі, "Денеге қасақана ауыр зиян келтіру" бойынша сотқа дейінгі тергеу амалдары қолға алынды, деп толықтырады департаменттегілер.