Әлеуметтік желіде Алматы әуежайы маңындағы теміржолда жанар-жағармай толы цистерналар аударылғандығы туралы ақпарат пайда болды. ТЖД-дағылар жанғыш сұйықтықтың төгілмегенін мәлім етті, деп хабарлайды zakon.kz.
Бұған дейін хабарланғандай, Алматы әуежайында, алдын ала ақпарат бойынша, портқа тақар жолда жанар-жағармай толы екі цистерна рельстен шығып кеткен.
Алматы қаласының Төтенше жағдайлар департаментіндегілер бүгін, 14 қазанда екі цистернаның рельстен шыққаны туралы ақпарат түскенін айтты. Сағат 17: 53-те Түрксіб ауданындағы теміржол рельстеріне 12 өрт сөндіруші мен құтқарушылар аттанды.
Алайда жанғыш сұйықтықтың төгілуі мен өрт болған жоқ, құрбандар мен зардап шеккендер де жоқ, - делінген хабарламада.
