Апат салдарынан құрбан болғандар мен зардап шеккендер жоқ, деп хабарлайды zakon.kz.
15 қазанда сағат 08:00 шамасында Алматы-Өскемен тас жолының оңтүстік бағыттындағы 19 шақырымында ауыр жол апаты орын алды.
Алдын ала мәліметтер бойынша, қатты жылдамдықпен келе жатқан Lada Granta көлігінің 28 жастағы жүргізушісі маневр жасау кезінде рөлді басқара алмай, бір бағытта кетіп бара жатқан Газель көлігінің артына бір-ақ кірді. Газель ұшып барып, бар инерциясымен Renault Duster мен жедел жәрдем көліктерінің соқтығысуына жол берді, - деп хабарлады Алматы облысы ПД баспасөз қызметі.
Аталған фактіге сәйкес, ҚР ӘҚБтК -нің 610-бабының 1-бөлігі бойынша әкімшілік іс қозғалды. Lada Granta айып тұрағына қойылды.
