Шығыс Қазақстанда төрт адам улы газбен уланды, оның ішінде екеуі жасөспірім, деп хабарлайды zakon.kz.
Облыстық ТЖД хабарлағандай, оқиға Глубокое кентінде болған.
Улы газбен төрт адам уланды – 2000, 2002, 2006 және 2010 жылдары туғандар. 2006 жылы туған қыз ауыр дәрежеде жарақат алды, қалғандары – орташа дәрежеде. Барлығы ауруханаға жатқызылды, деді ШҚО ТЖД баспасөз қызметі
Ведомство ауданның төтенше жағдайлар бөлімінің қызметкерлері осы үйдің тұрғындарын тамыз айында пешті жылыту маусымына дайындау қажеттілігі туралы ескерткен, бірақ иелері өрт сөндірушілердің кеңесіне құлақ аспады деп сендірді.
Сынақ зертханасының қызметкерлері тұрғын үй-жайда көміртегі тотығының құрамын арнайы аспаппен өлшеді. Аспап улы газдың бар екенін көрсетті, содан кейін бөлмелерге желдету жүргізілді және пешті пайдалану кезінде бұзушылықтарды жою бойынша кеңестер берілді, делінеді ШҚО ТЖД баспасөз қызметінің хабарламасында.
Улы газды қауіпті деп бекер айтпайды. Оны көру, кейде сезу де мүмкін емес, ал салдары өте қайғылы болуы мүмкін. Көмірқышқыл газымен улану концентрацияға байланысты күрт немесе баяу пайда болуы мүмкін. Өте жоғары концентрацияларда улану тез жүреді, ес жоғалтумен, аяқ-қолдың жансыздануымен және тыныс алудың тоқтауымен сипатталады.
ШҚО ТЖД қайғылы жағдайдан сақтану үшін мынадай кеңес береді:
тек жарамды пеш жабдықтарын пайдаланыңыз;
пешті уақытында жөндеу, пеш қалауындағы жарықтарды жөндеу;
мұржаны уақтылы тазалаңыз;
желдетіңіз;
пеш жапқышын көмір жанғанша жаппаңыз.
ТЖ туындаған жағдайда "101" және "112" нөмірлеріне қоңырау шалыңыз.
Бақытжан Отарбаева
