Ресейдің Рязань облысындағы оқ-дәрі шығаратын цехта таңертең жарылыс болды, деп хабарлайды zakon.kz.
«12 адамның денесі табылды, әлі төрт адам іздестіріліп жатыр», - деді Төтенше жағдайлар қызметінің өкілі.
Жарылыс кезінде 17 адам жұмыста болған.
«Сағат 8.00-де ауысымнан соң, цехтағы өндірістік жабдық қосылған кезде жарылыс болған. №402 ғимаратта 150 шаршы метр аймақтың төбесі құлаған», - деді ТЖ қызметінің өкілі.
Цех жарылғыш заттарды өндіру және сақтау және оқ-дәрілерді жоюмен айналысатын компанияға тиесілі екен.
Қазіргі уақытта өрт сөндірілді. Өрт сөндірушілер мен құтқарушылар оқиға орнында жұмысын жалғастырып жатыр.
Дайана Тоқберген
