"Сергек" бақылау камераларының жанында тұрған әйелдің үстіне бағана құлады, деп хабарлайды zakon.kz.
Бұл туралы әйел әлеуметтік желіде хабарлады.
23 қазан күні сағат 13:20-да Сығанақ көшесінде аяғыма "Сергектің" бағанасы құлады. Мен қайта бұғып үлгеріп, басым аман қалды. Қайда шағымдануға болады? Өлім аузынан қалдым", - деп жазды ол Instagram-да.
Ауруханаға барғаннан кейін әйелге гипс салынды. Оның айтуынша, ол қазір жұмыс істей алмайды.
"23 қазанда жолдан өту кезінде 45 жастағы әйел "Сергек" камерасы орнатылған бағанның құлауынан аяғынан жарақат алды", - деп хабарлады Нұр-Сұлтан ПБ баспасөз қызметі.
Аталған факті бойынша, "Есіл" аудандық Полиция басқармасы ҚР ҚК 306-бабы бойынша сотқа дейінгі тергеуді бастады, тексеру жүргізілуде.
Бақытжан Отарбаева
