73 жастағы үй иесі құдықтың бетін ашты. Осы кезде тарыс еткен дыбыс шығып, жарылыс болды, деп хабарлайды Zakon.kz.
Биылғы жылдың 7 қарашасында сағат 11:53-те Целиноград ауданы, Қызылсуат ауылында автономды газбен жылытылатын жеке тұрғын үйдің аумағында газ цистернасының құдығын ашу кезінде жарылыс болып, 1948 жылғы үйдің иесі оқиға орнында көз жұмды, деп хабарлайды Ақмола облысы Төтенше жағдайлар департаментінің баспасөз қызметі.
Оқыс оқиғаның мән-жайы мен себептері анықталуда. Сот-медициналық сараптама тағайындалды.
Оқиға орнында Төтенше жағдайлар департаменті, полиция және жедел жәрдем қызметкерлері шұғыл жетті.