Ресейдің Красноярск өңірінде баласын сатқан қазақстандық әйелге қатысты қылмысты тергеу ісі аяқталды, деп хабарлайды Zakon.kz.
"Красноярск" мемлекеттік телерадиокомпаниясы хабарлағандай, өткен жылдың наурыз айында Қазақстан азаматы Красноярск қаласына келіп, Ана мен баланы қорғау орталығында босанған. Ол перзентханадан шығар алдында сенімхат толтырып, Didilia компаниясының директоры мен оның танысына өз нәрестесін сату үшін берген.
Қазақстанға оралғаннан кейін әйел баласы үшін 13 мың доллар көлемінде сыйақы алған.
Енді айыптау актісімен бекітілген қылмыстық іс сотқа жолданады.
