ШҚО-да 17 жастағы колледж студенті дүкеннен азық-түлік сатып алып, ұзақ уақыт бойы ақшасын мобильді қосымша арқылы төлеп келген. Алайда ақша шотқа түспеген, деп хабарлайды Zakon.kz.
Қараша айының басында Аягөз аудандық полиция бөліміне дүкен иесінен арыз түсті. Ол бір жігіт шілдеден қарашаға дейін дүкеннен азық-түлік сатып алып, ақшасын мобильді қосымша арқылы төлеп келгенін айтты. Бірақ ақша әлі күнге дейін шотқа түспеген. Әйелдің айтуынша, келтірілген шығын көлемі 100 мың теңгені құрайды.
Жедел-іздестіру шараларын жүргізу кезінде криминалдық полиция қызметкерлері колледждің 17 жастағы студентін ұстады. ҚР ҚК-нің 190-бабы, 1-бөлігі, "Алаяқтық" бойынша сотқа дейінгі тергеу басталды, бұл баптың санкциясына сәйкес, екі жылға дейін бас бостандығынан айыру жазасы көзделген. Сотқа дейінгі тергеу жалғасып жатыр, - деп хабарлады полициядағылар.