АҚШ-тың Кентукки мен батысындағы бірнеше штатта торнадо салдарынан 83 адам қайтыс болды, деп хабарлайды Zakon.kz.
Сондай-ақ тағы ондаған адам хабар-ошарсыз жоғалып кетті. Кейбір қалалар толығымен қирады. Табиғи апат жұма күні басталып, бірнеше мәрте қайталанған.
АҚШ Президенті Джо Байден табиғи апаттан зардап шеккендерге көмек берілетінін мәлімдеді.
Федералды үкімет көмектесу үшін қолдан келгеннің бәрін жасайды АҚШ Президенті Джо Байден
Жойқын дауыл салдарынан Кентуккидің өзінде 70-тен астам адам қайтыс болған. Сонымен қатар 10 мыңға жуық тұрғыны бар Грейвс округіндегі Майфилд елдімекені қатты зардап шекті. Бұдан бөлек Иллинойс, Арканзас, Теннесси штатында да адам шығыны тіркелген.