"Лаңкестікке қарсы күрес жөніндегі облыстық жедел штаб басшысының шешімі бойынша Павлодар облысында 2022 жылдың 13 қаңтарынан бастап террористік қауіптіліктің "сары " деңгейі белгіленді. Құқық қорғау органдарының жұмысына түсіністікпен қарап, олардың заңды талаптарын ұстануды сұраймыз", - деді штабтағылар Pavlodarnews.kz сайтына.
Бұған дейін елордалық лаңкестікке қарсы күрес жөніндегі жедел штаб Нұр-Сұлтан қаласында 14 тәулікке террористік қауіптіліктің "қызғылт сары" - жоғары деңгейі белгілегенін мәлімдеген болатын.
