Бұл туралы фильмнің креатив продюсері Юлия Ким өзінің Facebook-тегі парақшасында хабарлады.
Generation – Берлин кинофестивалінің балалар мен жасөспірімдер тақырыбында түсірілген фильмдерге арналған конкурстық бағдарламасы. Бүгінде қазақстандық фильмнен басқа бұл байқауда Жапония, Германия, Ресей, АҚШ, Чили және Румыния елдері түсірген фильмдер де бар. Кинофестиваль 10-20 ақпан аралығында өтеді. 72-Халықаралық Берлин кинофестивалінің жеңімпаздарын 16 ақпанда жариялайды.
"Схема" фильмінің желісі кастингке келген жасөспірімдердің жеке оқиғаларына негізделген. Режиссеры – Фархат Шарипов. Түсіру жұмысы негізінен Алматыда өтті. Басты рольде Виктория Романова және Таир Свинцов есімді жас актерлар ойнады. Бұл олардың алғашқы рөлі екенін айта кеткен жөн. Фильмнің қоюшы операторы – Александр Плотников, ал қоюшы суретшісі – Алексей Шиндин. Кинокартинаның продюсері – Дина Жұмабек.
"Схема" фильмін Мәдениет және спорт министрлігі тапсырысымен Ұлттық киноны қолдау орталығы және Medeor компаниясы түсірген.
