20 қаңтар күні «112» қызметіне Созақ ауданында қар құрсауында қалған азаматтар туралы хабарлама келіп түскен.
Оқиға Шолаққорған ауылынан 70 шақырым жердегі «Ұланбел-Созақ-Екпінді» автожолында болды. Шұғыл әрекеттің арқасында төтеншеліктер 26 жолаушы мен 1 баланы құтқарды. Олар медициналық көмекті қажет етпеді.Түркістан облысының өңірлік коммуникациялар қызметі
Авариялық-құтқару жұмыстарына Түркістан облысы төтенше жағдайлар Департаментінен 10 қызметкер, 1 бірлік техникасы, облыстық полиция департаментінен 8 қызметкер, 2 бірлік техникасы жұмылдырылыпты.
Естеріңізге сала кетейік, Созақ ауданында ауа райының қолайсыздығына байланысты «Ұланбел-Созақ-Екпінді» облыстық маңызы бар автожолының 577-642 шақырым жері жабылған болатын.
Түркістан облысының ТЖД азаматтарды дауыл туралы ескерту хабарламаларына назар аударып, алыс жолға шықпауға кеңес берді.