Платформада жұмыс істеп жатқан экскаватор теңізге салған шөмішін көтеру кезінде алға қарай қисайып, құлап кетті, деп хабарлайды Lada.kz.
Оқыс оқиға 12 наурызда түстен кейін Баутино теңіз портында (Маңғыстау облысы) орын алды. Жүргізуші зардап шеккен жоқ.
Порттағылардың айтуынша, "Амфибия" жүзгіш экскаваторы жеке компания территориясында бір бүйіріне қарай құлады.
Қазіргі уақытта экскаваторды судан алып шығу жұмыстары жүргізіліп жатыр.
Видеода қолайсыз ауа райы кезінде жұмыс жүргізіліп жатқаны көрінеді. Облыстық ТЖД дауылға байланысты ескерту жасады.