Жылымық кезде жауын-шашынның мол түсуіне және қар жамылғысының тұрақсыздығы мен қалың болуына байланысты Үлкен және Кіші Алматы су алаптарында 24 наурызға дейін қар көшкіні қаупі сақталады, деп хабарлайды Алматы қалалық ТЖД.
Үлкен Алматы өзені бассейні экологиялық бекеті мен "Медеу" мұз айдыны бекетінде автокөліктерді өткізбейді. ТЖД қызметкерлері тауға шыққан азаматтарды ақпараттандыру бойынша алдын алу іс-шараларын жүргізеді. Алматы қалалық ТЖД
Алматы қаласының тұрғындары мен қонақтарына тауға барудан бас тарту ұсынылады.
Жүргізушілер мен жаяу жүргіншілерден көктайғақ кезінде жолдарда абай болу, ал жүргізушілерге көліктерін ағаштардың, электр желілерінің және басқа да ілулі құрылымдардың астында қалдырмауға кеңес беріледі.