Polisia.kz-тің хабарлауынша, қылмыскер есірткі сатқанын мойындады. Өзінің айтуынша, ол дәрі салынған бір буманы 3000 теңгеге сатады. Сонымен қатар ұсталған азамат есірткінің осы партиясын, 3-5 литрлік бөтелкені белгісіз біреуден 330 мың теңгеге сатып алғанын айтты.
Сараптамаға жүгінсек, арнайы іс-шаралар кезінде алынған зат – гашиш есірткісі. Бүгінде 62 жастағы А есімді азамат ұсталды. Күдіктінің тұрғылықты жерінде рұқсат етілген тінту кезінде өсімдік тектес және ерекше иісі бар бірнеше полиэтилен бумалары табылды және тәркіленді: дәлізден 15 бума, шкафтан 11, тағы 9 бума көлікте жасырылған. Сонымен қатар үйден газ тапаншасы да табылды, – деді Алматы қалалық ПД Есірткі қылмысына қарсы күрес басқармасы бастығының орынбасары Сағындық Аяғанов.
Осы дерекке сай ҚР Қылмыстық кодексінің 297-бабы 1-бөлігі бойынша қылмыстық іс қозғалды. Күдікті уақытша ұстау изоляторына қамалды. Ал жедел уәкілдер шаһарға есірткі жеткізетін арнаны анықтап, жоюы керек.