Облыстық полиция департаментінің хабарлауынша, жол-көлік оқиғасы 11 сәуірге қараған түні Еңбекшіқазақ ауданында (Тескенсу ауылы маңында) болған. Toyota Camry жүргізушісі қатты жылдамдықпен жануарды қағып кеткен.
Шетелдік көліктің 29 жастағы жүргізушісі оқиға орнында көз жұмды. Сонымен қатар жол апатынан үш адам зардап шекті, оның ішінде кәмелетке толмағандар бар. Олар түрлі жарақатпен Шелек ауылындағы ауруханаға жеткізілді.Алматы облысы ПД баспасөз қызметі
Жазатайым оқиға фактісі бойынша қажет сараптамалар тағайындалып, ҚР Қылмыстық кодексінің 345-бабы, 3-бөлігі бойынша тергеу басталды.
Қазір полицейлер өлген жылқының иесін іздестіріп жатыр. Оған ірі көлемде айыппұл салынады.Алматы облысы ПД баспасөз қызметі
Қолданыстағы әкімшілік заңнамаға сай мал иелері ауыл шаруашылығы жануарын жаю ережесін бұзғаны үшін жауапкершілікке тартылуы мүмкін.
