Облыстық полицияның хабарлауынша, 25 наурызда Еңбекшіқазақ ауданындағы Қаракемер ауылының маңында тұрғындар белгісіз ер адамның күйіп кеткен мәйітін тапты.
Сот-медициналық сарапшылардың пікірінше, ер адам пышақ жарақатының салдарынан қан кетіп қайтыс болған.
Көп ұзамай жәбірленушінің жеке басы анықталды. Ол 48 жастағы Алматы тұрғыны болып шықты.
Алматы қаласы мен Алматы облысының полицейлері үш күдіктіні ұстады, олардың бірі – әйел.
Үшеуі де Еңбекшіқазақ ауданының тұрғындары, үлкені 33 жаста, ең кішісі 23 жаста. Олар алматылық азаматты қаладағы пәтерін иемдену үшін өлтіргенін айтты. Қайтыс болған ер адам жалғыз тұрып келген әрі ішімдікке әуес болған. Оны Алматы аумағында өлтірген. Содан мәйітті жалдамалы көлікпен Еңбекшіқазақ ауданына алып шығып, Қаракемір ауылының маңында өртемек болған. Еңбекшіқазақ аудандық полиция бөлімінің бастығы Жақсылық Алтынбаев
Күдіктілер уақытша ұстау изоляторына қамалды.