Маңғыстауда итбалықтар жаппай қырылып, балық инспекторлары оқиға орнына аттанды

Жергілікті тұрғын Каспий теңізінің жағалауында қырылып жатқан итбалықтарды суретке түсіріп алған. Оның айтуынша, Қаражаңбас кен орнына қарама-қарсы жағалауда 50-ге жуық итбалықтың өлексесі жатыр, деп хабарлайды Zakon.kz.

Тұрғын түсірген суреттерін "Лада" басылымына жолдады.

Қаражаңбас кен орыны Ақтаудан 230 шақырым қашықтықта Бұзаушы түбегінде орналасқан. Суреттердің авторы нақтылап өткендей, сүтқоректілер теңіз жағалауына жақын кеніштің сол жағында қырылып жатқан. Тұрғынның пайымдауынша, олардың қырылуына Каспийдің таяздығы себеп болған секілді.

Сурет: куәгердікі

Маңғыстау облысының балық инспекциясы басқармасы хабарлағандай, Бұзаушы жартылай түбегіне ведомство қызметкерлері жіберілді.

Сурет: куәгердікі