"Аққудың жарасы ескі, кем дегенде он күн өткен. Сүйек мүйізгегі бар, сондықтан қанатын толығымен аша алмайды. Сырттай да жарақат алғанына біраз болғанын аңғаруға болады", - деп хабарлайды pavlodarnews.kz.
Орман және жануарлар дүниесін қорғау мекемесінің басшысы Аджар Жүсіповтің айтуынша, табылған аққу - аталығы, шамамен үш жаста.
Құс Павлодар ауылына оңалту үшін жіберілді. Аққу қайтадан ұша ала ма, жоқ па, ол жағы әлі белгісіз, ветеринарлар да, орманшылар да жағдайды бақылауға алып, құсты баптауды жалғастырады.
Жүсіпов Павлодарда тағы бір аққу бар екенін айтады. Табаны жоқ құс өткен жылы Аққулы ауданының Жаңатаң ауылынан табылған.
