Наурызбай аудандық полициясының мәліметінше, 25 жастағы А есімді азаматшаға қатысты Қылмыстық кодекстің 190-бабы 3-бөлігінің 4-тармағы бойынша қылмыстық іс қозғалып жатыр. А есімді азаматша қаланың кемінде екі тұрғынын алдады деген күдікке ілініп отыр. Күдіктінің әрекетін полицияға қала тұрғыны хабарлады.
Тұрғынның айтуынша, бойжеткен өзін мамандандырылған халыққа қызмет көрсету орталығының қызметкерімін деп таныстырып, жүргізуші куәлігін тез арада алуға көмектесуді ұсынған. Жедел шаралар қолданылып, күдікті ұсталды. Істі қарау барысында оның екі бірдей эпизодқа қатысы бар екендігі анықталды. Бойжеткен өз қызметі үшін 20 мыңнан 50 мың теңгеге дейін алдын ала төлем сұраған, – деді Наурызбай аудандық Полиция басқармасының бастығы Дидар Аханов.
Дегенмен полиция жәбірленушілердің бұдан да көп болуы мүмкін екенін айтып отыр. Тәртіп сақшылары осы қыздың әрекетінен зардап шеккендердің барлығын мына телефондар арқылы хабарласуға шақырады:
8-707-447-07-50;
8-747-699-70-02;
8-778-622-02-19.