Алматыда автобус жүк көлігімен соқтығысып, тротуарға ұшып кетті

Алматыда №44 бағыттағы автобус MAN жүк көлігімен соқтығысты. Автобус жолаушылары зардап шекті, деп хабарлайды Zakon.kz.

Автобус Әшімов көшесімен солтүстік бағытта келе жатып, қиылыстан өте бергенде, қарсы беттен жүк көлігі шығып, соғылған. Жол-көлік апаты салдарынан автобус жолдан тротуарға қарай сырғып, жолай бірнеше ағашты құлаттып өтті.

Сурет: Zakon.kz

Апат салдарынан төрт адам ауруханаға жеткізілді, автобустың қалған жолаушылары ауруханаға жатқызудан бас тартты.

Сурет: Zakon.kz

Жүк көлігінің жүргізушісінің айтуынша, көлік тежегіші істен шыққан.

Оқиға орнында жол полициясы жұмыс істеп жатыр.

Сурет: Zakon.kz