Елордалық полицияның мәліметінше, алғашқы қылмыс түнде болған. Белгісіз біреу құны 4 миллион теңге тұратын ВАЗ-21214 автокөлігін ұрлап кеткен.
Бұл факті бойынша Байқоңыр аудандық полиция басқармасы "Ұрлық" бабы бойынша сотқа дейінгі тергеу амалдарын бастады. Астана полиция департаментінің баспасөз қызметі
Сол күні белгісіз біреулер Chevrolet Ravon және LADA Priora көліктерін өртеп жібергені белгілі болды.
Ведомство ҚР Қылмыстық кодексінің 202-бабының 2-бөлігі ("Өрт қою арқылы бөтеннің мүлкін қасақана жою немесе бүлдіру") бойынша қылмыстық іс қозғалғанын мәлімдеді.
Сондай-ақ сағат 05.30-да полицияға автокөлік радиосын ұрлау фактісі бойынша арыз түсті. Қаскөй Mercedes көлігінің терезесін сындырып, ішіне кірген, кейін көлікті өртеп жіберген. Қажетті сараптамалар тағайындалды. Астана полиция департаментінің баспасөз қызметі
Қазір тергеу амалдары жүргізіліп жатыр. Баспасөз қызметінің мәліметінше, күдікті қамауға алынды.
Ұсталған адам кінәсін мойындады, оның басқа да қылмыстарға қатысы бар-жоғы тексеріліп жатыр. Байқоңыр аудандық полиция басқармасының басшысы Марат Әбиров
