Бұл әрекетімен күдікті 7 млн теңге шығын келтірді.
Ведомство өкілдерінің мәлімдеуінше, күдікті Астана қаласындағы Ақжол көшесінің бойындағы ЖШС-нің аумағында тұрған Tadana маркалы манипуляторды көптен бақылап жүрген. Ол ЖШС аумағында ешкім жоқ екеніне және оның жұмыс істемей тұрғанына көз жеткізген соң, манипуляторды өзінің "Камаз" маркалы жүк көлігіне орнатылған манипуляторға тиеп алып кеткен.
Аталған фактіге қатысты «ұрлық» бабы бойынша сотқа дейінгі тергеу амалдары жүргізілуде. Ұсталған азамат кінәсін мойындады, оның елорда аумағында басқа да қылмыстарға қатыстылығы тексерілуде.Астана қаласы ПД баспасөз қызметі
Астана қаласының полиция департаменті азаматтарды қырағы болуға, жұмыс орнын қараусыз қалдырмауға және бейнебақылау камераларымен жабдықтауға шақырды.