Оның айтуынша, 5 желтоқсаннан бастап әлеуметтік нысандарға жылу қайтадан қосылады.
"Қазір тұрғын үйлерге жылу тасымалдағыштар беріп жатырмыз. Ендігі кезекте - су құбырын қалпына келтіру. Ертеңнен бастап (5 желтоқсан) әлеуметтік нысандарға жылу беруді қалпына келтіруге кірісіп жатырмыз. Бізде 52-Орталық жылу пунктінде үш нысан бар, оған қоса параметрлер бар. Қалпына келтірген бойда мектептер мен балабақшаларды жылумен қамту режимін қалпына келтіру мәселесі дереу қаралады".Олег Крук
Қарашаның 27-сіне қараған түні апат салдарынан Екібастұзда жылу мен ыстық су беру тоқтатылды.
Энергетика министрлігі жылу құбырларының тозуының жоғары деңгейін хабарлады, бұл - 70%-дан астам деген сөз. Жылу желілерінің зақымдануын жоюға жедел бригадалар жұмылды.
28 қарашада Екібастұзда төтенше жағдай жарияланды.
4 желтоқсанда Екібастұзда жүрген ҚР премьер-министрінің бірінші орынбасары Роман Скляр премьер-министр Әлихан Смайыловпен телефон арқылы сөйлесті. Премьер-министр мен оның орынбасары қаланың жылу желілеріндегі апаттың салдарын жою барысын талқылады. Склярдың айтуынша, бірде-бір ірі ұйым бұл үйлерді толығымен аяқтамайынша тастамайды. Қазір барлығы 484 адам жұмылдырылған.
Кейін Павлодар облысы әкімінің міндетін атқарушы Олег Крук Екібастұз қаласындағы барлық үйдің жертөлесіне жылу берілгенін айтты.
