Бұған дейін журналист Михаил Козачковты ұсталғаны хабарланған еді. Қаржы мониторинг агенттігі таратқан хабарламада журналистің "Болат Назарбаевтың көмекшісімен байланысты қылмыстық топқа рейдерлік жасауына көмектесті" деген күдікке ілінгені жазылған.
"Әділ сөз" баспасөз қорғау ұйымы тінтудің адвокатсыз жүріп жатқанына алаңдаушылық білдірді.
Журналист Вадим Борейко Facebook-тегі парақшасында журналистің Алматыдағы тұңғыш президент саябағындағы тұрақта ұсталғаны жөнінде естігенін жазды. Айтуынша, Козачковтың үйінде де тінту жүрген. Оның адвокатын тінту орнына - пәтеріне кіргізбеген.