1 қаңтар күні сағат 1:30-да Балқаш көлінде Қарағанды облысы төтенше жағдайлар департаментінің күштері Тораңғылық ауылынан оңтүстік бағытта көлікпен шығып, қайта оралмаған 2 балықшыны іздеуге кірісті.
"Сағат 3:30-да құтқарушылар балықшыларды сынған көлікпен жағалаудан 26 шақырым жерде тапты. 05:55-те ер адамдар жағаға шығарылды, оларға медициналық көмек қажет болмады".Қарағанды облысының төтенше жағдайлар департаменті
Төтеншеліктер ауа райы нашарлаған кезде, әсіресе түнде ұзақ қашықтыққа сапарға шықпауға шақырды. Сондай-ақ жолға шықпас бұрын көліктің техникалық жарамдылығын тексеріп, ауа райы болжамы мен дауылды ескертулер туралы ақпаратты қадағалау қажет екенін ескертті.