Оқиға Муанг ауданындағы Мае Клонг өзенінде болды, деп жазды Bangkok Post басылымы.
Полицияға Smooth Sea 22 танкеріндегі жарылыс туралы хабарлама таңғы сағат 09:17-де (Астана уақыты бойынша 08:17) түскен. Танкер кеме жөндеу зауытында тұрақты жөндеуден өткізіліп жатқан, оның цистерналары да бос болған.
Жарылыс бірнеше шақырым радиуста естіліп, сезілген. Үйлердің терезелері сынған. Шамамен бір сағаттан кейін Теңіз департаменті кемедегі өрт бақылауға алынғанын хабарлады.