Қыздардың уланғаны туралы алғашқы дерек 2022 жылғы қарашада Тегеранға жақын орналасқан Кум қаласында тіркелді. 18 оқушы ауруханаға жеткізілді, деп жазды Sky News.
Оқушылардың бірі аяғын жүрмей қалғанын айтса, басқалары тыныс алу қиындағанын айтып шағымданған. Кейбір ата-аналар балаларын мектепке жіберуден бас тартты.
Кумдағы жағдайдан кейін бірнеше апта ішінде Тегеран мен Боруджерд қаласында соған ұқсас деректер тіркелді.
Дегенмен наурыз айының басынан бері уланулар саны күрт өсті. 6 наурызда елдің 31 провинциясының 23-інен хабарламалар келіп түсті.
Оқиғаларды зерттеген үкіметтік комиссия 25 провинциядағы 230 мектепте 5 мыңға жуық оқушы өзін нашар сезініп шағымданғанын айтты. Ақпараттық-насихаттау тобы олардың саны 7000-нан асып кеткенін мәлімдеді.
