"Қылмыстық әрекеттерімен жалпы салмағы 367 келі жеті қап балықты заңсыз аулап, мемлекетке 674 473 теңге шығын келтірді, – деді Павлодар облысы Май ауданы полиция бөлімі бастығының орынбасары Болат Смагулов."
Бірнеше күннен кейін, өткен жылы, 29 қыркүйекте Екібастұз қаласының 38 және 40 жастағы тұрғындары ұсталды. Олар Қарасор көлінде тиісті рұқсаты болмай, екі орындық үрлемелі резеңке қайықты қылмыс құралы ретінде қолданып, қытай өндірісінің торларын орнатып, карась тұқымды балықтарды заңсыз аулаған.
Алдын ала сөз байласу бойынша адамдар тобымен әрекет ете отырып, сотталғандар өздерінің қылмыстық әрекеттерімен жалпы салмағы 214 келі жеті қап балықты заңсыз өндіріп, мемлекетке 393 289 теңге сомасында залал келтірді.
Тергеуді аудандық полиция бөлімінің тергеушілері жүргізді. Қылмыстық істердің материалдары сотта қаралды. Май аудандық сотының үкімімен бесеуі де Қазақстан Республикасы ҚК-нің 335-бабы 3-бөлігінің 4-тармағында көзделген қылмыстық құқық бұзушылық жасағаны үшін кінәлі деп танылды және үш жыл мерзімге балық аулау қызметімен айналысу құқығынан айыра отырып, үш жыл мерзімге бас бостандығын шектеу түріндегі жаза тағайындалды.
Бұдан басқа, сотталғандардың бірі жазаны өтеудің мерзімі ішінде жыл сайын 100 сағат мерзімге жергілікті атқарушы органдар айқындайтын орындарда мәжбүрлі еңбекке тарту туралы үкім шығарды. Сондай-ақ әрбір “балықшыға” бас бостандығын шектеу түріндегі жазаны өтеудің мерзімінде пробациялық бақылау белгіленді және келесі міндеттерді орындау жүктелді: сотталғандардың мінез-құлқын бақылауды жүзеге асыратын уәкілетті мемлекеттік органдарды хабардар етпей тұрақты тұрғылықты жері мен жұмысын өзгертпеу; кафелерге, мейрамханаларға, барларға, клубтарға, дискотекаларға, ойын-сауық мекемелерінде ішімдік ішпеу; уәкілетті мемлекеттік органның рұқсатынсыз тұрғылықты жерінен кетпеуге және басқа жерлерге бармауға міндетті.
Бұдан басқа, жәбірленушілерден өтемақы қорына әрқайсысынан 20 АЕК мөлшерінде 61 260 теңге сомасында мәжбүрлеп төлем өндірілді. Мемлекет кірісіне іс бойынша мүліктік зиян мен іс жүргізу шығындарын сотталушылар өз еркімен өтеген. Полиция департаменті 2022 жылы балық ресурстарын, басқа су жануарларын немесе өсімдіктерді заңсыз өндірудің алты фактісі жойылғанын атап өтті. Ағымдағы жылы құқықтық тәртіп сақшылары бір фактінің жолын кесті.
Естеріңізге сала кетейік, Қазақстан Республикасы ҚК-нің 335-бабына сәйкес, балық ресурстарын, басқа да су жануарларын немесе өсімдіктерді заңсыз өндіру 6000 АЕК-ге дейінгі мөлшерде айыппұл салуға не сол мөлшерде түзеу жұмыстарына не бір мың сағатқа дейінгі мерзімге қоғамдық жұмыстарға тартуға не төрт жылға дейінгі мерзімге бас бостандығын шектеуге әкеп соғады, он жылға дейінгі мерзімге белгілі бір лауазымдарды атқару немесе белгілі бір қызметпен айналысу құқығынан айыра отырып, мүлкі тәркіленіп, алты жылдан он жылға дейінгі мерзімге бас бостандығынан айыруға құқығы бар.
