"23 наурызда Жамбыл ауданының полиция бөліміне Қасымбек ауылының тұрғыны арызданды, ол сол күні сағат 16:00-де өзінің кәмелетке толмаған ұлына қатысты 2015 жылғы бала жыныстық сипаттағы зорлық-зомбылық әрекеттері жасағанын хабарлады", - деді Алматы облысы ПД баспасөз қызметі.
Арыз иесінің айтуынша, 2011 және 2008 жылы туған екі жасөспірім ауылдың шетінде өздерінен әлдеқайда кіші баланы қорлаған.
"Қазіргі уақытта сот-медициналық сараптама тағайындала отырып, тергеу шаралары жүргізіліп жатыр. Аталған фактіге сәйкес, оқиғадағы басты күдікті – 2011 жылғы кәмелетке толмаған жасөспірімнің әкесіне қатысты ҚР ӘҚБтК-нің 127-бабының 3-бөлігі ("Кәмелетке толмағанды тәрбиелеу және (немесе) білім беру, оның құқықтары мен мүдделерін қорғау жөніндегі міндеттерді орындамау") бойынша әкімшілік іс қозғалды". Алматы облысы ПД баспасөз қызметі
Сонымен қатар, 27 наурызда осы жасөспірімді мамандандырылған мектепке бекіту туралы мәселені қарау үшін тиісті материалдар уәкілетті органға жіберілді.
"ҚР ҚІЖК-нің 201-бабына сәйкес өзге ақпараттар жария етуге жатпайды", - деп қорытындылады облыстық полиция.
Бұған дейін 2023 жылдың 23 наурызында Алматы облысында екінші сынып оқушысының зорланғаны белгілі болды. Жәбірленушінің анасы сол күні полицияға арыз түсірген. Өңір прокуратурасы бұл факт бойынша бірқатар сараптамалар тағайындалғанын, ҚР ҚК 121-бабы бойынша қылмыстық іс қозғау туралы мәселе шешіліп жатқанын хабарлаған болатын.
