Қар көшкіні Риддер қаласына жақын жерде, Риддер-Чекмар тас жолының 41-шақырымында құлады, деп хабарлайды YK-news Шығыс Қазақстан облысының Төтенше жағдайлар департаментіне сілтеме жасап.
Құтқарушылардың айтуынша, қар көшкіні cалдарынан Белая Уба өзенінің арнасында кептеліс пайда болды. Жарылыс кедергіні жоюға көмектесті.
"Қабылданған шаралар судың өзінің арна бойымен кедергісіз өтуіне жол берді", - деп түсіндірді ТЖД жағдайға қатысты.
Ведомство Шығыс Қазақстан облысының су қоймаларында жарылыс жұмысы жалғасып жатқанын қоса кетті.
"Бүгінде облыста су айдындарындағы мұздың әлсіреу процесі жалғасып жатыр. Мұз еріп, жартылай сайлар пайда болды. Су тасуы мен кептеліс байқалмайды". Шығыс Қазақстан облысы ТЖД басшысының орынбасары Арман Тоқанов
21 ақпанда Шығыс Қазақстан облысының таулы аймақтарында қар көшкіні болды. Қар демалыс орнына бара жатқан адамдар мінген автобусты жауып тастаған. Алайда ешкім зардап шекпеді.
