ТЖД мәліметтері бойынша, жанып жатқан автобусты сөндіруге көбігі бар оқпандар, сондай-ақ автобус қаңқасын салқындату үшін тағы бөлек оқпандар пайдаланылды.
Өртті сөндіруге барлығы алты минут уақыт кетті, деп нақтылады ведомстводан.
Өрттің шығу себебі анықталу үстінде.
"Көлікте от тез тарайды, 2-3 минут ішінде оны толығымен жойып жібере алады. Осыған байланысты жолаушылар оттың шығу белгілері пайда болған алғашқы сәтте-ақ дереу есіктен немесе қосалқы шығу орындарынан шығып кетуі керек!" Алматы қалалық ТЖД баспасөз қызметі
Осындай жағдай 15 ақпанда таңертең Алматыдағы Шығыс айналма жолында орын алды: ол кезде 131-ші бағыт бойынша қатынайтын автобус өртенген болатын.