Елордада Қазгидрометтің мәліметінше, 15 сәуірде қар жауып, жаяу бұрқасын жүріп, көктайғақ болады, оңтүстік-батыстан солтүстік-шығысқа ойыса соққан желдің екпіні 15-20 м/с, кей тұста 23 м/с дейін жетеді. Сынап бағаны түнде және күндіз 5-7 градусқа дейін күрт төмендеп, суық болады.
"112 шұғыл байланыс желісіне 14 сәуірде сағат 14.00-ден бастап әртүрлі сипаттағы 3000-нан астам қоңырау келіп түсті. Астана қаласы ТЖД бөлімшелері қатты желге байланысты металл конструкциялардың, қаптама плиталардың, шатырдың ұшуы, электр сымдарының тұйықталуы салдарынан 10-нан астам рет шақыртуларға шықты. Қазіргі уақытта жолдың нашар көрінуіне, қатты жел мен боранға, көктайғаққа байланысты барлық алты бағыт бойынша көлік құралдарының барлық түрлеріне республикалық маңызы бар автожолдар жабық. Астана - Қостанай тас жолы Қажымұқан ауылына дейін ғана ашық". Астана қалалық ТЖД баспасөз қызметі
Сондай-ақ төтеншеліктер елорда тұрғындары мен қонақтарына қала сыртына барудан бас тарту, сақ болу, ауа райының өзгеруі және енгізілген шектеулер туралы ақпаратты қадағалау керектігін ескертеді.
