Полицияға 29 сәуір күні ойын орталығының қызметкері арызданған. Оның сөзінше, белгісіз біреулер пластик терезені бұзып кіріп, 4 дана Playstation және 10 дана джостик құралын ұрлап кеткен.
Қызылорда облысы ПД криминалдық полиция басқармасының бөлім бастығы Нұғман Аманжоловтың айтуынша, күдіктілерді полицейлер бейнекамералар арқылы анықтаған. Олар 32 және 33 жастағы қала тұрғындары болып шыққан.
"Айғақ заттар тәркіленді. ҚР ҚК 188-бабының 3-бөлігімен сотқа дейінгі тергеп-тексеру әрекеттері жүргізіліп жатыр", – дейді ол.
Тексеру барысында ұрланған ақшаны күдіктілер жаратып жібергені анықталды.