2023 жылғы әуе санағы дерегіне сәйкес киіктердің үш популяция саны биыл 597 мың басқа артты. Бұл дегеніміз ақбөкен саны 45,3% өсті деген сөз. Олардың ішіндегі ең көп Орал популяциясының саны - 1,13 млн. дарақ. Ал Бетпақдала 745 300, Үстіртте 39 700 ақбөкен бар.
Еске сала кетейік, киіктердің санын анықтау мақсатында елімізде 15 сәуір мен 5 мамыр аралығында әуе санағы жүргізілді. Аталмыш жануарларды санауға «Охотзоопром» ӨБ» РМҚК, Орман шаруашылығы және жануарлар дүниесі комитетінің аумақтық инспекция қызметкерлері, сонымен қатар Қазақстандағы биоалуантүрлілікті сақтау қауымдастығының ғылыми мамандары жұмылдырылған.
