5 маусымда сағат 11:30 шамасында Жалағаш ауданы ПБ жергілікті полиция қызметі бөлімшесінің бастығы Ержан Абдраманов және патрульдік полиция тобының аға инспекторы Ернұр Өтеш аймақты шолып жүргенде алдарынан жергілікті тұрғын жүгіріп шығып, көліктерін тоқтатуды сұрайды. Ентіккен азамат Бұқарбай батыр елдімекеніне қарасты "Северный" каналында бір азаматтың суға батып бара жатқандығын айтады.
Полицей Ержан Абдраманов ойланбастан суға секірді. Суға секіріп, жігітті жағаға шығарып, оған дәрігерге дейінгі медициналық көмек көрсетті.