Оның айтуынша, Абай облысындағы өрт жақын арада жойылады.
"Шамамен төрт-бес күнде жойылуы мүмкін.Ибрагим Күлшімбаев
Сонымен қатар журналистер Төтенше жағдайлар вице-министрінен ведомствода неліктен өртті сөндіруге арналған ұшақтар жоқ екенін сұрады.
"Ұшақтар жоқ, өйткені бұл үшін ақша сұрадық, бірақ оған қаржы қарастырылмады. Сондықтан әлі ұшақтар сатып алған жоқпыз".Ибрагим Күлшімбаев
Ол ҚР Төтенше жағдайлар министрлігінде 33 тікұшақтың су төгу құрылғысы бар екенін, бірақ оның 16-ға жуығы өртті сөндіруге қабілетті екенін түсіндірді.
"Қалғандары іздестіру жұмыстарына, барлау жұмыстарына арналған. Бірақ олардың барлығы қозғалыста бола алмайды, өйткені кейбір жоспарланған жұмыстар жүріп жатыр. Сондықтан олардың тең жартысы үнемі жөндеуде".Ибрагим Күлшімбаев
Абай облысындағы өрт 8 маусымында қайта тұтанды. Кейінгі мәліметтер бойынша, 60 мың гектар орман өртеніп кетті. 14 адам қайтыс болды.
14 маусымда Абай ауданындағы өрттің локализациясы туралы белгілі болды. Толық жойылғанға дейін локализацияланған ошақтарға су төгу, өрттің шетін топырақпен толтыру жүргізіле береді.