23 маусымда «Сапсан» жедел тобы мен «Охотзоопром» ӨБ» РМҚК инспекторлары кезекті рейд барысында Қорғалжын қорығының аумағына іргелес Қызылкөл көлінің жанынан «Нива» маркалы автокөлігін тоқтатты.
Автокөлік жүргізушісінің Қарағанды облысы Нұра ауданының тұрғыны екені анықталды.
"Көлікті тінту барысында салоннан киік ұшасының бөліктері табылған. Оқиға орнына бірден Қорғалжын ауданының полиция бөлімінің жедел-тергеу тобы шақырылды. Аталған факт СДТТБТ-де тіркеліп, тиісті іс-шаралар жүргізіліп жатыр", - делінген министрлік хабарламасында.