Алматы облысы полиция департаментінің мәлімдеуінше, алаяқтар егде жастағы әйелдерге телефон соғып, өзін тәртіп сақшысы ретінде таныстырып, қызы біреуді қағып кетті деп мәлімдеген.
Сонан соң "полицейлер" көлік қаққан адамды емдеуге және "мәселені шешуге" ақша қажет екенін айтқан.
Олар 5 миллион талап еткен. Зәресі қалмаған зейнеткерлер бар жиған-тергенін беруге келіскен. Жәбірленушілердің бірі алаяқтарға 3,5 миллион теңге берсе, екіншісі 1 миллион теңге берген.
Екі факті бойынша Қазақстан Республикасының Қылмыстық кодексiнің 190-бабымен қылмыстық іс қозғалды.
