4 шілдеде сағат 21:50-де № 1 энергоблогы салқындағаннан кейін жөндеу басталды. Жөндеу тәулік бойы MAЭК қызметкерлерінің күшімен жүргізілді. 6 шілдеде "МАЭК" ЖШС ЖЭС №1 энергоблоктың жөндеу жұмыстары аяқталып, сағат 05.51-де энергоблок жұмысқа қосылды.
"Жөндеу сапалы жасалғанымен 6 шілде күні сағат 17.33-те ЖЭС-те №1 энергоблокта тағы да мәжбүрлі тоқтау болды. Қазір ЖЭС персоналы энергия блогын жөндеу үшін дайындықты жүргізіп жатыр. Маңғыстау облысының тұрмыстық тұтынушыларын электрмен жабдықтауда, сонымен қатар елді мекендерді сумен жабдықтауда шектеулер жоқ. Жөндеу жұмыстарын 9 шілде сағат 24.00-ге дейін жүргізуге шұғыл өтінім берілді", - делінген "МАЭК" ЖШС баспасөз қызметі хабарламасында.
Жөндеу 8 шілде 00.00-ден кейін бастау жоспарланып отыр. Себебі энергия блогының қазандығын салқындату үшін 24 сағаттан астам уақыт қажет.