Жетісу облысы ТЖД-ның мәліметіне сәйкес, 11 шілдеде сағат 16:52-де өрт сөндірушілерге Талдықорғанда Транспортная көшесінде өрт болып жатқандығы туралы хабарлама келіп түскен. Қайта өңдеу үшін шикізат қабылдайтын қоймада макулатура мен пластикалық заттардың қалдықтары өртенген.
"Оқиға орнында өңірлік ТЖД-ның жеке құрамынан 23 адамы мен 7 техника жұмыс істеп жатыр", деп толықтырды құзырлы ведомство.
Ал қала көгіне көтерілген қара қою түтін жергілікті тұрғындарды алаңдатып қойды. Әлеуметтік желіде өрттің видеолары пайда болды.
Екі күн бұрын Алматыдағы барахолка базарында тағы өрт болған еді.
