Әлеуметтік желіде балшыққа бөккен адамдар мен көліктердің суреттері жарияланды.
Оқыс оқиға Алматы қаласынағы әуежай маңында болған.
Түрксіб ауданы әкімдігінің аппараты аталған оқиғаға қатысты түсініктеме берді.
"Алматы халықаралық әуежайының тапсырысы бойынша аталған учаскеде жекеменшік компания су құбырын жүргізіп жатқан. Біздің қызметкерлер оқиға орнына аттанды, мердігерлік ұйым апатты жою жұмыстарын қолға алды", делінген хабарламада.
Сондай-ақ, "тапсырыс берушінің ақпараты бойынша" мердігер ұйым апат салдарынан келтірілген залалды өтеуге дайын екендігі де нақтыланады.