Қалалық полиция басқармасының мәліметінше, 29 жастағы күдікті өзінің қызметін "көмек" сомасына қарай 250 000 теңге немесе одан да жоғары бағалаған.
"Алаяқтық фактісі бойынша біздің бөлімшеде осыған ұқсас төрт арыз тіркелді. Жедел іс-шаралар жүргізіліп, күдікті ұсталды. 1994 жылы туған азамат А.-ға қатысты ҚР ҚК 190-бабы ("Алаяқтық") бойынша қылмыстық іс тергелуде. Қазір тергеушілер ұсталған адамның бұрын осыған ұқсас қылмыстарға қатысы бар-жоғын анықтап жатыр".Медеу аудандық ІІБ полиция бөлімінің бастығы Әбдінұр Тасыбаев
Күдікті қамауға алынғаны айтылды.
ҚР Қылмыстық-процестік кодексінің 201-бабына сәйкес, тергеу мүддесіндегі өзге мәлімет жарияланбайды.
ҚР Конституциясының 77-бабының 3-тармағының 1-тармақшасына және ҚР Қылмыстық-процестік кодексінің 19-бабының 1-бөлігіне сәйкес әр адамның қылмыстық құқық бұзушылық жасаудағы кінәсі заңды күшіне енген сот үкімімен белгіленіп, жойылмайынша, кінәсіз деп танылады.
