Әлеуметтік медициналық сақтандыру қоры Алматы филиалының баспасөз қызметінің хабарлауынша, ең кішкентай науқас - небәрі 26 күндік сәби, ең үлкені сегіз жаста. Міндетті әлеуметтік медициналық сақтандыру аясында бес операция жасаған.
Атап айтқанда, алматылық және италиялық дәрігерлер жаңа туған нәрестенің жүрегінде ақауы бар баланы аман алып қалды. Қазір оның жағдайы тұрақты, қанағаттанарлық.
"Жергілікті кардиохирургтар тәжірибелі мамандардың жетекшілігімен кардиохирургиялық бейнелеудің озық технологияларымен жеке танысуға мүмкіндік алды және түрлі хирургиялық емдеу әдістерін зерттеді", - деп хабарлады ӘМСҚ.
Тағы бір науқас – Алматы облысындағы екі жасар қызға екінші операция жасалды. Бұл төрт сағатқа созылған өте қиын операция болды. Медициналық араласудан кейін қыз дәрігерлердің бақылауында болады.
Бұған дейін Алматы мен Шымкент дәрігерлері тікелей эфирде бүйрек ауыстыру операциясын жасаған еді.