Алдын ала мәлімет бойынша, жасөспірім рұқсатсыз әкесіне тиесілі пневматикалық тапаншаны алып, Гагарин көшесіндегі үйлердің бірінің балконынан оқ атқан. Оқиға орнына жеткен тәртіп сақшылары оқ атылған кездегі дыбыс қай пәтерден естілгенін анықтады.
"Полиция қызметкерлері пневматикалық қаруды тәркілеп, сараптамаға жіберді. Тексеру жүріп жатыр. Қорытындысына сай процессуалдық шешім қабылданады", - деп жазды Telegram-дағы Башқұртстан ішкі істер министрлігінің жаңалықтары.
Бұқаралық ақпарат құралдарының жазуынша, бала пәтерден жалпы тамбурға шығып, іші пысқаннан атқанын айтқан. Көршісінің айтуынша, жасөспірім балабақшаға қарай оқ атқан.